ლიტერატურა (ლათ."littera" - (ანბანის ასო) - ფართო მნიშვნელობით საზოგადოებრივად ღირებული ნაწერი და ნაბეჭდი პროდუქცია. ვიწრო გაგებით - მხატვრული ლიტერატურა, ხელოვნების ერთ-ერთი დარგი, რომელიც გამოსახვის საშუალებად იყენებს სიტყვას, მეტყველებას, ენას. ანტიკურ ხანაში მას მხოლოდ ზეპირსიტყვიერების ფორმა ჰქონდა, შემდეგ მოხდა ნაწარმოებთა ჩაწერა. დროთა განმავლობაში ლიტერატურამ შეიძინა კერძო ხასიათი და გახდა საზოგადოებრივი ყოფიერების, ადამიანური ურთიერთობებისა და ემოციების გამოხატვისა და კვლევის საშუალება.

ლიტერატურის სახეები 

განასხვავებენ ლიტერატურული ხელოვნების ორ სახეს: პოეზიას და პროზას. პოეზია არის ემოციების გადმოცემა სიტყვის მუსიკით, რომელიც მეტრიკის გარკვეულ წესებს ემორჩილება, ხოლო პროზა ჩვეულებრივი მონათხრობია ლექსთაწყობის გარეშე. პროზა უფრო ეთანადება ყოველდღიურ სასაუბრო ენას, ვიდრე პოეზია. ანტიკური ლიტერატურული ნაწარმოებები ლექსად იყო შექმნილი, პროზა უფრო გვიანდელი ეტაპია. მხოლოდ მე-18-19 საუკუნეებში მოხდა მათი გათანაბრება მნიშვნელობის მიხედვით.

ase rom me minda shemogtavazot chemi ert-erti sakvareli mwerlis- aka morchiladzis biografia da aqve shemogtavazebt misi nawarmoebebis mokle prezentacias

აკა მორჩილაძე (ნამდვილი სახელი - გიორგი ახვლედიანი) (დ. 10 ნოემბერი, 1966) – ქართველი მწერალი და ისტორიკოსი.1988 წელს თბილისის სახელმწიფო უნივერსიტეტის (თსუ) ისტორიის ფაკულტეტი დაამთავრა. აქვე მუშაობს ბოლო 17 წლის განმავლობაში. ჰყავს მეუღლე და ორი შვილი. ადრეულ 90-იან წლებში პარალელურად იგი საპარლამენტო სხდომების მიმომხილველად მუშაობდა "რეზონანსი"-სთვის და სხვა რამდენიმე ბულვარული გაზეთისთვის; თვითონ თავს უვარგის ჟურნალისტს უწოდებს - "ჩვენთან მწერლად ყოფნა სულ სხვა რამეა,დანარჩენ მსოფლიოში კი, სულ სხვა.ამიტომ,მე მწერლად თავს ვერ ჩავთვლი.ჩემის მოკლე ჭკუით, ამას ისა სჯობს,რომ აღიარო,წერა მსიამოვნებს და ვწერ,ვინაიდან ამის უფლება ყველას აქვს-თქო.

ბიოგრაფია

მისი მთავარი ლიტერატურული ნამუშევრები რომანებია: "ფალიაშვილის ქუჩის ძაღლები" (1995), "გადაფრენა მადათოვზე და უკან", "გაქრები მადათოვზე" (1998), "მოგზაურობა ყარაბაღში" (1992), "აგვისტოს პასიანსი" (2001), "სხვანი" (2002), "შობის ღამის ალქაჯები" (2002), "სანტა ესპერანსა" (2004) და სხვ. რომანი "ფალიაშვილის ქუჩის ძაღლები" მოგვიანებით ადაპტირებულ იქნა პიესად და პირველად 1999 წელს დაიდგა სანდრო ახმეტელის თეატრში. მასში 1992-93 მძიმე წლების ქართული ცხოვრებაა აღწერილი. მისი წიგნები საქართველოში ბესტსელერებია (2003 წელს მას 15.000 ასლი ჰქონდა გაყიდული).

2003 და 2005 წლებში მიღებული აქვს პრესტიჟული ლიტერატურული ჯილდო "საბა". 2010 წელს, მორჩილაძის რომანმა "მამლუქი" მიიღო ილიას უნივერსიტეტის მიერ ახლად დაწესებული პრემია - "წლის საუკეთესო რომანი".

გამოცემები

• მოგზაურობა ყარაბაღში. თბილისი, 1992
• გადაფრენა მადათოვზე და უკან. თბილისი, სულაკაური, 1998, 
• ფალიაშვილის ქუჩის ძაღლები. თბილისი, 1995,
• გაქრები მადათოვზე. თბილისი, სულაკაური, 2001,
• სხვა. თბილისი, სულაკაური, 2002
• ძირს სიმინდის რესპუბლიკა. თბილისი, სულაკაური, 2003
• წიგნი. თბილისი, სულაკაური, 2003
• აგვისტოს პასიანსი: სანთლის შუქზე საკითხავი ბულვარული რომანი. თბილისი, სულაკაური, 2001, 
• მისტერ დიქსლის მდუმარე ყუთი თბილისი. თბილისი სულაკაური, 2005
• ვენერას სიზმარი. თბილისი, სულაკაური, 2005
• ქაღალდის ტყვია. თბილისი, სულაკაური, 2006
• მეიდ ინ ტიფლის (Maid in Tiflis). თბილისი, სულაკაური, 2007
• ძველი გულებისა და ხმლისა. თბილისი, სულაკაური, 2007
• მესაიდუმლის ქამარი. თბილისი, სულაკაური, 2009
• სანტა ესპერანსა. თბილისი, სულაკაური, 2004
• კაგდატა ინ ჯორჯია. თბილისი, საგა, 2008
• მამლუქი. თბილისი, სულაკაური, 2009
• შენი თავგადასავალი
• უდაბნოს გლახები
• შობა ღამის ალქაჯები

ჯილდოები 

• (2010) "წლის საუკეთესო რომანი", ტექსტისათვის - "მამლუქი" (ილიას უნივერსიტეტის პრემია)
• (2005) "საბა" რომანისათვის "ვენერას სიზმარი"
• (2003) "საბა"